أمي .. بقلم .. حنان عامر ..

الثلاثاء 21 مارس 2017 - 06:28 صباحاً
محتاجة لك يا أمي ..

محتاجة لك يا أمي ..

كتب : حنان عامر
‎محتاجه لك ياأمى ....  
 
‎لسه صورتك جوه عينى ..
‎سامعة صوتك بينادينى ..
‎ضحكتك لما تشوفينى ..
‎حكمتك لما تواسينى ..
‎لسه في حلمي بتجيلي.. 
‎عن الجنة بتحكيلي  .. 
‎ولسه بحلم بيكى جنبي ..
‎ضمتك .. حضنك ياأمى ..
‎لمستك ..  ايدك .. تسمى ..
‎وبـ حنانك أنسي همى ..
‎ياللي منك يجري دمى ..
‎محتاجه لك ..
‎ تمسحى بإيدك دموعى ..
‎  تطفي ويايا شموعى ..
‎محتاجه لك .. 
‎جوه حضنك أنسي روحى ..
‎ تقفلي بحبك جروحى ..
‎بعد منك ..
‎ضاقت الدنيا عليا ..
‎بعد منك ..
‎دنيتى مابقتش هيه ..
‎محتاجه لك ..
‎ أحكى ليكى .. و تحكى ليا ..
‎أشكى ليكى الدنيا ديه ..
‎وأحكى ليكى الظلم فيا ..
‎وقسوة الايام عليا ..
‎محتاجه لك .. 
‎مهما مر العمر بيا ..
 
‎محتاجه لك ياأمى .. حنان عامر 
‎اهداء الي  أم رحمها الله اللهم ارحم امهاتنا الاحياء منهم والاموات 
 

تعليق الفيس بوك